Aðalfundur 2009

Nýja Garði
21. janúar 2009
kl. 20:00

Ellefu félagsmenn mættu til fundarins.  Formaður, Haraldur Bernharðsson setti fundinn. Hann lagði til að Margrét Guðmundsdóttir annaðist fundarstjórn og var það samþykkt einum rómi.  Margrét fól Bjarka M. Karlssyni fundarritun.

1. Skýrsla stjórnar

Haraldur Bernharðsson lagði fram skriflega ársskýrslu og gerði grein fyrir henni.  Í umræðum um skýrsluna var einkum fjallað um tímarit félagsins og málfræðiorðasafn.  Að umræðum loknum var skýrslan samþykkt.

2. Ársreikningar 2008

Gjaldkeri, Theódóra Anna Torfadóttir, lagði fram ársreikninginn og gerði grein fyrir honum. Í umræðum var sprut um prentkostnað og leiðir til að lækka hann. Reikningar voru síðan samþykktir.

3. Nýtt merki félagsins

Fráfarandi stjórn kynnti tillögu að nýju merki og var það samþykkt. Merkið má m.a. sjá á heimasíðu félagsins.

4. Kosning stjórnar, varastjórnar og skoðunarmanna

Haraldur Bernharðsson gaf ekki kost á sér til áframhaldandi formennsku en gerði eftirfarandi tillögu um stjórnarkjör:

Theódóra Anna Torfadóttir, formaður
Bjarki M. Karlsson, gjaldkeri
Sigrún M. Ammendrup, ritari
Ásta Svavarsdóttir, meðstjórnandi
Höskuldur Þráinsson og Haraldur Bernharðsson, ritstjórar

Veturliði Óskarsson, varamaður
Þóra Másdóttir, varamaður

Guðrún Þórhallsdóttir og Kristín Bjarnadóttir, skoðunarmenn reikninga

Tillagan var einróma samþykkt.

5. Önnur mál

a) Afmæli félagsins
Félagið verður 30 ára 1. desember 2009. Ýmsar hugmyndirk komu fram um hvernig megi minnast þess. Einkum var gerður góður rómur að því að efna til n.k. rannsóknaræfingar þar sem leitað verði til ræðumanns eða -manna um að halda erindi í léttum dúr.

b) Útgáfumál
Rætt var um hugsanlega endurprentun Erinda um íslenskt mál og um möguleikann á greinasölu á vefnum.

Fleira var ekki gert og fundi slitið kl. 22:05.