Íslenska málfræðifélagið hefur í samvinnu við Málvísindastofnun tekið að sér að standa fyrir málvísindakaffi í hádeginu á föstudögum.
Meira...

12. hefti tímaritsins Orð og tunga var að koma út. Í heftinu eru fimm greinar tengdar þema þess, "Nafnfræði í brennidepli". Þær fjalla allar um örnefni eða önnur staðaheiti frá ýmsum sjónarhornum. Tvær aðrar greinar eru í  heftinu, önnur um beygingarsögu orða með viðskeytin -ing og -ung, hin er söguleg lýsing á þróun norrænan litarheita með áherslu á grænn og gulur. Loks eru í heftinu allmargar bókafregnir um nýleg rit á sviði tímaritsins.

Nánari upplýsingar um efni heftisins, m.a. útdrættir úr greinum á íslensku og ensku, eru á heimasíðu Stofnunar Árna Magnússonar í íslenskum fræðum.

Verð þessa heftis er 2.710 kr. að meðtöldum 7% virðisaukaskatti.

Hægt er að gerast áskrifandi að tímaritinu og fá um leið eldri árganga á sérstökum vildarkjörum með því að hafa samband við Kára Kaaber (kari [hja] hi.is; sími 525 4443). Einnig má fylla út áskriftarbeiðni á vefnum.

Þriðjudaginn 15. júní n.k. heldur Félag talkennara og talmeinafræðinga námskeið um málhljóðaröskun hjá börnum. Námskeiðið verður í Valhöll, Háaleitisbraut 1,  kl. 14:00-17:00.

Fjallað verður um tvær þjálfunaraðferðir sem verið hafa í þróun í tvo áratugi við British Columbia háskólann í Vancouver, Kanada. Annars vegar er um að ræða notkun lagskiptrar hljóðkerfisfræði (e. non-linear phonology) í markmiðssetningu og þjálfun og hins vegar fer fram stutt lýsing á svokallaðri „ultrasound“ aðferð við þjálfun á framburði.

Meðal kennsludæma: málhljóðamyndun og framburður íslenskra barna.

Fyrirlesarar eru hjónin og prófessorarnir Barbara May Bernhardt og Joe Stemberger. Þau eru bæði talmeinafræðingar. Hún er yfirmaður talmeinadeildar við British Columbia háskólann og hann er yfirmaður málvísindadeildar við sama skóla. Þau eru jafnframt sérfræðingar í hljóðkerfis- og framburðarerfiðleikum barna. Þóra Másdóttir vinnur að rannsókn í samstarfi við May og Joe og er það megin ástæða heimsóknar þeirra til Íslands.

Fyrirlesturinn er ætlaður talmeinafræðingum og öðrum sem áhuga hafa á hljóðfræði og hljóðkerfisfræði.

Verð: 4.000,- kr.  Innifalið: námskeiðsgögn og kaffi

Nánari upplýsingar veitir Þóra Másdóttir talmeinafræðingur á Heyrnar- og talmeinastöð Íslands (thoramas@hti.is; s. 581-3855). Skráning: talmein@talmein.is eða hjá Þóru Másdóttur.
Vinsamlega takið fram ef greiðandi er annar en þátttakandi.

Mánudaginn 12. apríl n.k. halda þeir Markus Steinbach, prófessor við háskólann í Göttingen, og Roland Pfau, dósent við háskólann í Amsterdam, fyrirlestur á vegum Íslenska málfræðifélagsins og Málvísindastofnunar. Hann verður í stofu 201 í Árnagarði og hefst kl. 16:00. Fyrirlesturinn verður fluttur á ensku en túlkaður jafnharðan á íslenskt táknmál.

Fyrirlesturinn nefna þeir "Handwaving & headshaking? On the linguistic structure of sign languages" og lýsa honum þannig:

Það er orðin vel þekkt staðreynd að táknmál, þ.e. mál sem eru tjáð með hreyfingum og numin með augunum, eru byggð upp á sama hátt og raddmál. Samt er áhugaverður munur á ein¬stök-um sviðum sem helgast af því að táknmálum og raddmálum er miðlað á ólíkan hátt. Í þessum fyrirlestri verður fjallað um valin atriði í málkerfi táknmála, þ.e. hljóðkerfis¬fræði, orðhluta¬fræði og setningafræði. Þessi atriði verða rædd frá sjónarhóli málgerðar¬fræðinnar, ekki aðeins með því að bera saman raddmál og táknmál, heldur einnig með saman¬burði milli táknmála. Einnig verður rætt um málsamfélög heyrnarlausra, sálfræði¬leg málvísindi og ljóð í táknmálum.

Markus Steinbach og Roland Pfau hafa báðir fengist talsvert við rannsóknir á táknmálum og eru mjög öflugir á því sviði. Þeir munu halda fyrirlestra í málstofu um táknmál og málvísindi á ráðstefnunni Preserving the Future: Sustainability of Language, Culture and Nature sem haldin verður í Reykjavík 16. og 17. apríl næstkomandi á vegum Stofnunar Vigdísar Finnbogadóttur í erlendum tungumálum.

Félögum í Íslenska málfræðifélaginu hafa verið sendar tilkynningar um fyrirlestra og aðra atburði á vegum félagsins eða á fræðasviði þess. Til þess að þetta sé hægt verður að uppfæra póstlista félagsins reglulega. Þeir sem vilja fá slíkar tilkynningar í tölvupósti eru því beðnir að senda boð um breytingar á tölvupóstfangi á malfraedi [hja] malfraedi.is. Þangað má einnig senda beiðnir um að vera tekinn út af póstlistanum.

Á aðalfundi Íslenska málfræðifélagsins 3. febúrar 2010 tók Ásta Svavarsdóttir við sem formaður en fráfarandi formaður, Theódóra A. Torfadóttir,  gaf ekki kost á sér.

Aðrir stjórnarmenn eru Margrét Guðmundsdóttir, Sigrún Ammendrup, Haukur Þorgeirsson og ritstjórarnir, Haraldur Bernhaðsson og Höskuldur Þráinsson.  Í varastjórn eru Veturliði Óskarsson og Þóra Másdóttir.

Komið er út 11. hefti tímaritsins Orðs og tungu á vegum Stofnunar Árna Magnússonar í íslenskum fræðum. Þema þessa heftis er Arfur og endurnýjun: hvað býr í íslenskum orðaforða?
Meira...